اسأل. اطلب. طارق ينفّذ
طارق مساعدك الذكي جوه TutoringHQ. تكلّمه بالعامية، بفويس نوت أو رسالة، فيرد عليك من بياناتك إنت، ويعمل الشغل بدالك: ياخد الحضور، يسجّل دفعة، يطلّع التقرير.
- مبيعملش حاجة غير لما تدوس «اسمح»
- عمره ما بيبعت رسالة لطالب
- عامية مصرية أو إنجليزي، صوت أو كتابة
- أول أسبوع من حسابك ببلاش، لحد ٤٠ رسالة في اليوم على THQ 1.0. ومن غير كارت.
فويس نوت واحدة، ودوسة على «اسمح».
ابعت فويس نوت عن الحضور. طارق بيقولك فهم إيه وبيستنى. مفيش حاجة بتتسجّل غير لما تدوس «اسمح»، ولو دوست «لأ» كل حاجة بتفضل زي ما هي. ده مثال بأسامي من عندنا.
قول اللي عايزه زي ما بتقوله لمساعدك
من غير قوائم ولا زراير. تقول الجملة، وطارق يفهم إنت تقصد أنهي مجموعة وأنهي طالب وأنهي شهر.
«مين غاب النهارده في تالتة ثانوي؟»
يرد بالأسامي من الحضور اللي اتسجّل، مش تخمين.
«سجّل دفعة ٤٠٠ جنيه كاش لعمر خالد»
يجهّز الدفعة ويستنى تدوس «اسمح».
«ابعت تذكير لكل اللي عليهم فلوس»
يجمع الأسامي والمبالغ، وإنت اللي بتأكد الإرسال.
«كام كسبنا الشهر ده مقارنة باللي فات؟»
رقمين وفرق بينهم، من فلوسك المسجّلة.
«اعمل مجموعة كيمياء الأحد ٤ م»
يملا الخانات، وإنت تراجع وتحفظ.
«وريني إزاي أضيف مجموعة»
يوديك للشاشة ويعلّم على الزرار الصح.
تلات خطوات، وإنت ماسك الزمام
١. ابعت فويس نوت أو رسالة
بالعامية المصرية، زي ما بتكلّم أي حد بتشتغل معاه. من الموبايل أو من الكمبيوتر.
٢. طارق يجهّز
يقرا من بياناتك إنت: الطلاب والمجموعات والحضور والفلوس. ويحضّرلك الإجابة أو الشغل اللي طلبته.
٣. إنت تدوس «اسمح»
أي حاجة بتغيّر بيانات، طارق بيعرضها عليك الأول. مفيش دفعة ولا حضور بيتسجّل من غير موافقتك.
من أول الحصة لآخر الليل، طارق معاك
ذكي، ومؤدب
بيشوف حسابك إنت بس
كل حساب معزول. طارق مايقدرش يوصل لبيانات حد تاني.
إنت بتختار مين يستخدمه
صاحب السنتر بيحدد مين من الفريق يستخدم طارق من شاشة الفريق، وكل واحد بيسأله في حدود اللي مسموحله يشوفه. ولو مدرس لوحدك، طارق بيشتغل ليك إنت بس.
مابيعملش حاجة لوحده
كل تغيير بيستنى «اسمح» منك.
عمره ما بيكلّم طالب
طارق بيكلّمك إنت وفريقك بس.
نقط جوه كل خطة، وتقدر تزوّد.
كل خطة فيها نقط شهرية لطارق. ولو خلصت، صاحب الحساب يشتري باقة نقط وتفضل معاه ٣ شهور.
باقات نقط زيادة
كل باقة بتفضل ٣ شهور من يوم ما تشتريها. الأسعار نهائية، وعلى كل باقة رسوم معالجة ١٠ ج.م. والباقة بتنزل أول ما نأكد التحويل.
بنصرف منين الأول
من نقط الخطة الأول، وبعدها من الباقة اللي هتخلص الأول. وبنفكرك قبل ما نقط أي باقة تخلص بكام يوم.
مين يشتري الباقات
صاحب الحساب بس. باقي الفريق بيشوفوا «صاحب السنتر بس يقدر يدفع» مكان زرار الشراء.
اللي بيتسأل كتير
طارق بيفهم العامية المصرية؟
أيوه. كلّمه زي ما بتتكلم في السنتر، بفويس نوت أو رسالة، وهو يفهم إنت تقصد أنهي مجموعة وأنهي طالب وأنهي شهر.
أقدر أكلّمه مكالمة صوت؟
لأ، مش دلوقتي. بتبعتله فويس نوت أو رسالة مكتوبة، وهو بيرد عليك.
لو طارق فهم غلط؟
مفيش حاجة بتتغيّر قبل ما تدوس «اسمح». راجع اللي جهّزه، ولو مش مظبوط دوس «إلغاء».
فريقي يقدر يستخدمه؟
في السنتر أيوه، لو صاحب السنتر فعّل طارق ليهم من شاشة الفريق. ساعتها بيسألوه في حدود صلاحياتهم بس. والمدرس اللي شغال لوحده مفيش فريق يشاركه طارق.
بياناتي بتروح فين؟
طارق بيقرا بيانات حسابك إنت بس، ومفيش حساب تاني يقدر يوصلها. قبل ما سؤالك المكتوب يخرج من أنظمتنا، أسماء الطلاب وأرقامهم بتتبدل بأكواد وأي رقم موبايل بيتشال، وبعدين بيروح لمزود الذكاء الاصطناعي عشان يكتب الرد. الصور وملفات PDF والفويس نوت بتروح للمزود زي ما هي، والتطبيق بيقولك قبل ما تبعت. وبنحتفظ بنسخ من المحادثات من غير أسماء ولا أرقام عشان نحسّن طارق، إلا لو قفلت ده من إعدادات الذكاء الاصطناعي. التفاصيل في سياسة الخصوصية.
لو الرصيد خلص؟
صاحب الحساب بيشتري باقة نقط من ١٠٠ لحد ١٠٠٬٠٠٠، بتفضل معاه ٣ شهور، وعليها رسوم معالجة ١٠ ج.م. أو يستنى نقط الشهر الجاي.
سيب طارق يشيل عنك شغل آخر اليوم.
كل خطة فيها نقط طارق كل شهر، وتقدر تشتري زيادة لو خلصت.